導演錢國偉執導新片《辣警霸王花》近日在馬國取景，一眾女演員密密集訓，何佩瑜（Jeana）更練到拗柴，但仍負傷上陣。岑麗香則慘遭毒蚊叮面，開工首日慘變「大細面」！

為拍錢國偉的新片，一眾女星變身打女特訓。

香香被蚊叮到左邊面腫脹，十足打了Botox一樣。

Jeana練到左腳拗柴，要即場包紮。

新片《辣警霸王花》近日移師馬來西亞取景，首次擔正女主角的岑麗香率領鄭欣宜、何佩瑜、崔碧珈（Anita）及黃柏高力捧的新人蔡潔等一起特訓，眾女又練拳又玩野外吊索，可謂搏到盡！較多踢腿動作的Jeana早前更練到左腳拗柴，包紮後要帶傷上陣。

而香香日前甫抵埗，晚上即被蚊叮腫左邊面，導致翌日開工慘變「大細面」，深怕上鏡唔夠靚的她，卻被錢導嘲笑：「唔怕！你個蘋果肌咁脹，唔使打Botox啦！」

錢導又指眾女都很擔心體能狀態，怕肥但又要進食補充體力，令她們很矛盾。

暴脹欣宜放棄減肥

另外，暴脹的欣宜前日出席記者會時坦言放棄減肥：「肥人唔代表醜，瘦人唔代表靚，最重要係健康，社會抹殺咗肥人做唔成事，但我希望藉呢部電影畀人知我得，同時畀肥人一個機會。」同場的伍允龍稱與馬國演員李元玲演情侶，問到是否擔心緋聞女友鍾嘉欣受傷而不推薦她演出？他指嘉欣會自行決定想參與的角色，故不用他擔心。