歌手龍小菌近日擔任青少年交流計劃的宣傳大使，並出席活動，她大嘆一直未有機會參與交流：「做老師時淨係試過帶一日遊，讀教院嗰時都有一啲義教團，但時間夾唔到冇機會去。」又表示若有機構邀請她義教都會幫忙，問到最想去哪裏義教？她說：「好想去四川，始終當地一啲重建上嘅困難都好想出一分力，好多香港人都擔心自己捐番內地嘅錢唔知去咗邊，咁自己親力親為好啲嘅！」
善心爆棚的龍小菌，希望到四川義教。
