兩大索爆混血模特兒Jessica C.（JC）與Lea T.，齊穿Bra Top谷胸鬥「波」！有「警鐘胸」之稱的JC出名夠大，常做運動的Lea則勝在結實堅挺。二人各展美態，難分高下！

「胸」前偉大的JC雖然唔夠Lea T.「堅」，但仍大方力讚對方靚女。

Lea T.

馮秀炎（左起）、JC及Lea T.齊為即將舉行的世界盃造勢！

霍啟山緋聞女友Lea T.與「警鐘胸」JC昨日以Bra Top上陣，出席大埔超級城《新地森巴狂熱迎世盃》活動，同場還有新鴻基地產代理租務總經理馮秀炎。兩名混血女模即場鬥「波」，常做運動的Lea勝在堅挺，JC相對顯得「墜落」，但卻以Cup數取勝，令「渺小」的Lea被比下去，二人鬥得難分難解！

再戰寫真

JC大方表示有追蹤Lea的Instagram，並大讚對方靚女及努力做運動。提到世界盃，她指初來港時是上一屆世界盃，故有感時光飛逝！問到支持哪一隊？JC說：「一直都支持巴西隊。（會唔會同朋友出去睇波？）會。（鍾意邊個球星？）個個都係Hot Guys，全部都訓練有素。」她又透露下月會到馬來西亞拍攝一部動作喜劇，逗留約一個月。問到今年會否出寫真？她說：「都想但冇時間，可以再出寫真係件好事，但唔係今年。」

Lea則透露每星期到健身房十次，問到有否認識到Hot Guys？她說：「冇真係去識男友，專注做運動。（有冇男仔埋你身撩你？）都有。」又透露將與朋友到歐洲度假兩至三星期，問到啟山可會同行？她笑說：「你要問番佢嘅Summer Plan，我只可以代表自己講嘢。」