女星李麗珍、李若彤與葉蘊儀昨日為主演的劇集《女人俱樂部》結局篇作宣傳，三人即場派發洗頭水，引來觀眾上前爭奪。戴上大框眼鏡的珍妹幾乎素顏現身，坦言受了「雙重打擊」，為劇情喊腫雙眼，更對被指「戲屎」一事感不滿！對於有傳被飛出《女》劇的電影版，珍妹說：「飛咪飛囉！我唔介意，我今次盡晒力，冇遲到早退，未試過咁認真，未必場場戲都有100分，但都畀自己80分！」

李若彤（左起）、李麗珍與葉蘊儀宣傳劇集，齊聲指剛播出的一集感人戲夠晒催淚。

三人落台派禮物，李若彤獲小妹妹打氣！

而李若彤笑言剛播出的一集感人戲，獲得不少回響：「嗰幕喊到流晒鼻涕，真係演得好投入，後來睇番Cap圖先知原來咁肉酸！」至於「肥菜」葉蘊儀則笑言其中一場戲喊住食豬肉乾獲讚「肥嘟嘟好得意」，憑角色人氣急升的她，卻令囡囡受牽連遭起底：「佢話喺雜誌見到自己同同學嘅相，仲要冇遮樣，我知道後好愕然！」