林峯女友吳千語與關心妍昨日出席時裝品牌GERMAIN新店開幕，穿露臍裝盡騷22吋纖腰的千語BB笑言現時流行「人魚線」，還踢爆林峯同樣有「人魚線」，問到是否已久未見過男友騷肌？千語BB說：「係好耐冇見面，因為大家都唔得閒。（尋晚唔去澳門睇佢開騷？）我要做嘢啊！尋晚約咗新戲嘅導演同劇組食飯開會。」並透露在即將開拍的新戲中，飾演有點「小姐脾氣」的角色：「同埋知道有一場親熱戲，都幾激！（點激？）情緒有少少激動，同埋有少少親熱。（男友OK？）佢拍嗰啲勁好多。（唔畀佢探班？）都唔會嘅。（你會唔會發男友脾氣？）係我自己個人心急，未去到要發脾氣。」

吳千語自爆新片有親熱戲，但不擔心男友呷醋。

而近日以化名「C-12」推出新歌的關心妍，昨日自稱以C-12的身份出席，提到歌曲《罪名》一再被禁，她自言可以接受性感及大膽意識，並透露本月底會推出新歌《被注射》，問是否講整容傳聞的感受？她說：「都十幾年！呢樣唔係傳得最多，我覺得網上潮文講關家姐仲多，呢首歌講出我嘅心聲。」