黃美棋一直以甜美可愛形象俘虜宅男歡心，她於受訪時自爆為保持均勻的身材，每朝都會飲檸檬水及吃水果Keep Fit：「我一早起身就會飲，出街都會帶住支檸檬水，貪佢清腸胃。仲有我日日至少食兩個奇異果做早餐，雖然一開始會餓到好唔習慣，但持續食一星期後，我瘦咗一個圈，效果好明顯！」她又表示平日的飲食習慣Dry到爆：「我屋企煮菜唔落鹽同油，我平時最鍾意食清蒸豆腐（Dry爆？）係呀，濃味同辣嘅嘢反而食唔慣！」

黃美棋食得清淡，難怪如此Fit。

黃美棋食兩個奇異果做早餐，一星期即清減不少。

身形Fit爆的黃美棋靠飲檸檬水減肥。

而她因長期受水腫困擾，故每晚會推淋巴及貼牆舉腳去水腫：「我好易全身腫晒，不過就唔鍾意做美容機去腫，因為唔夠用手推穴位咁準。我每晚瞓覺前仲會貼牆九十度『倒吊』雙腳（腳痹？）會好麻痹，但去腫效果好好！」