馬國明與周麗淇昨日為無綫劇集《流氓皇帝》拍攝搶花炮大場面，周麗淇踢爆馬國明撩她以老樣拍咀戲，笑言希望留個紀念。

周麗淇近期春風滿面，難以想像她化老妝後會嚇親人。

馬國明

馬國明拍搶花炮戲時與其他演員扭作一團，辛苦到抹晒汗。

馬國明、周麗淇和黃智雯昨日在電視城古裝街為無綫重拍的經典劇《流氓皇帝》進行拍攝，馬國明為賺錢娶周麗淇，要搶得花炮。劇中周麗淇由17歲演到70歲，化老妝時連自己也嚇親，她說：「拍外景觀眾都認唔到我，又要扮寒背、手震，搞到腰痠背痛。」雖然她與馬國明暫時沒有咀戲，但拍老年戲份時馬國明竟要求加插咀戲，周麗淇說：「我話唔好啩，加埋成百幾歲，咁老嚇親人喎，佢得個講字啫！」

黃智雯百變性感

問到是否恨與周麗淇拍咀戲，馬國明笑說：「想o架！第一次合作留個紀念吖嘛，唔係唔記得拍過！電視尺度咀戲都係點到即止，要嗰個感覺啫。」他坦言拍攝搶花炮戲拍到身水身汗，相當辛苦。

黃智雯在劇中由妹仔變特務，要扮貓女又要着浴袍，造型多多，她說：「遲啲仲有一場大型歌舞，着得性感又要踢腿。」她又指今次拍劇最大難度是忍笑：「同陸永多對手戲，佢好搞笑好有喜劇細胞！」