雖然泰國宵禁，但吳嘉龍（Carl）昨日與家人前赴曼谷奔喪，因居於當地的叔叔早前病逝，其父親吳耀漢乘早機出發，Carl與姊姊一同乘搭午機，提及泰國軍方宣布發動政變及實施全國宵禁，Carl說：「唔擔心安全問題，唔驚，都唔係第一次，近呢幾年都有發生，睇番泰國嘅歷史就係咁，最麻煩唔係啲人，最麻煩係塞車。軍方叫啲人夜晚唔好出街，咁夜晚咪唔好出街囉！佢叫得你唔好出去即係可能會有咩事發生。日頭就唔好去人多嘅地方，用自己Common Sense去判斷，唔好去有示威嘅地方。」他又透露今次會在曼谷逗留3日：「叔叔個喪禮聽日舉行。（完全唔擔心安全？）唔擔心，之前都發生咗，每一年都係咁。」

吳嘉龍昨日赴曼谷奔喪，對於泰國局勢見怪不怪。