泰國軍方頒布戒嚴令及宵禁，加上香港發出紅色外遊警示，不少居港泰國華僑卻表示不擔心。

彭順

盧惠光

導演彭順：「我喺香港，細佬彭發就喺內地做嘢。（擔心？）冇嘢喎！我覺得冇料到。（政變）唔會對平民構成危險，佢哋都麻木咗。（政變）之前搞得太耐，係時候令市面平復番。（返泰國睇睇？）我未有Project，所以暫時唔使返去。」

泰國華僑盧惠光：「我哥哥都喺泰國居住，冇事，唔使擔心。依家市面好平靜，因為前幾日實施戒嚴，習慣咗個情況。（叫哥哥撤離泰國？）暫時唔會，睇吓情況嚴唔嚴重。」

中泰混血兒仙樂都（吳堯堯）：「我媽媽住喺泰國，不過佢話現時當地好平靜同安全，冇咩異樣。而我本身打算28號出發去布吉拍寫真，不過依家要過幾日先決定延遲幾多日再出發。」