譚耀文孟瑤困酒店 林保怡冒死開工

港人旅遊勝地之一的泰國發生政變，泰國軍方更於前晚宣布全國宵禁，街上有軍人駐守之餘，本港保安局亦宣布提升泰國外遊警示級別至紅色。譚耀文、泰國變性索女Poyd及內地性感女星孟瑤正身處當地拍攝內地驚慄片《泰戀》，而林保怡同樣身處泰國拍攝電影《按摩師》，面對政變，有藝人不敢出街，寧願留在室內，亦有劇組無懼宵禁令，誓要完成工作！

進度停滯不前

譚耀文昨日越洋接受訪問時表示拍攝進度停滯不前：「開咗兩日工，當有紅色警示嘅時候，工作都停咗，軍方公布十點後要宵禁，所有夜戲都Cut晒，夜街都唔敢出！」只能留在酒店的他選擇苦中作樂：「驚WhatsApp都收唔到，氣氛都係擔心同緊張，今（昨）日連日頭嘅戲都取消，冇工開，成個劇組留喺酒店Hea。嚟泰國拍之前，其實都喺天津開過工，當休息啦！」

同一劇組的孟瑤在前晚獲悉宵禁後，在微博上載性感自拍照，並惶恐留言：「泰國軍方政變接管國家政府。各位，我又中獎了！明天通告也取消了！你們要來救我啊！」只能留守酒店靜候消息的孟瑤亦接受現實，在酒店歎世界的她昨日在微博上載性感泳裝照晒火辣身材：「外面政治危機人心惶惶，我困在酒店逍遙自在，繼續享受我與世隔絕的生活。」

最驚冇WiFi

至於上月初已身處泰國拍攝電影《按摩師》的林保怡亦報平安，昨日接受電話訪問時表示，當地郊區情況尚好，故繼續拍攝工作，為怕家人擔心已打電話報平安：「都要拍到凌晨兩點三點，依家仲有一場Ending嘅夜戲，喺郊區拍，劇組人員都好好，安排咗個Golf場度假屋畀我過一晚。尋（前）日情況都比較緊張，好驚冇WiFi，同外界聯絡唔到，不過啲通告同時間都畀晒經理人，知道我去邊。司機都好好，特登兜路唔行去紅衫軍嘅據點，見到啲軍人個個都荷槍實彈，不過見我哋拍戲，都好友善。」其好友李珊珊亦在微博轉述林保怡一切安好的消息，並提醒他要提高警覺、注意安全。