憑《女人俱樂部》「朱莉」上位的王敏奕，近日頻頻被起底，有指她早於16歲便兼職養家。她昨日解釋因童年時父母離異，出外兼職只為減輕母親的負擔。

與張嘉兒出席籌款活動的何傲兒（左）拒透露姊姊何傲芝與蕭正楠目前的關係。

王敏奕人紅是非多，雖然被爆讀書時做兼職，但原來只為減輕母親負擔。

梁烈唯全副武裝上陣，表演飄移射波。

藝人王敏奕、張嘉兒與張名雅等昨日出席籌款節目記者會。對於被指16歲開始兼職，王敏奕說：「因為童年時父母離異，我同細佬跟咗媽咪住。為咗減輕母親嘅負擔，我就兼職出外工作同接送細佬放學咁，都唔講得上係養家。（媽咪擔心你喺娛樂圈工作？）唔會！我份人好交帶，又唔會唔返屋企瞓，大家溝通得好好。」

梁烈唯搬屋氹老婆

同場的何傲兒被問到有指父親不時介紹馬主給姊姊何傲芝認識，她表示不是事實：「我好戥家姐心痛！其實我未入行前嘅生活圈子就係喺馬場Family Day同家人食飯，基本上係我家人生活圈子。（家姐心情？）當然調節咗。（哭訴？）全家人都好支持佢。（同蕭正楠去到水火不容？）呢個要問家姐，我同佢合作唔會尷尬。」

至於鄭俊弘表示與蕭正楠合作劇集《商戰》，未見過何傲芝或黃翠如來探班。張嘉兒則透露與「N男友」感情穩定，但因姊姊今年結婚，不會與她撞期。

另外，梁烈唯前晚錄影籌款節目，在飄移的車上射波籌款，問到太太會否擔心？他說：「佢好冷靜咁叫我小心啲，我慣咗太太坐我車嘅時候，都會開慢啲。」對於前日「520」這個代表「我愛你」的日子，問到對太太有何表示，他說：「有送禮，但唔係即刻收到嘅，但知佢會開心，因為我哋將會搬去一個佢好鍾意嘅地方！（置業？）租嘅，遲啲先買，依家啲樓唔平。」