張智霖（Chilam）昨日到電台宣傳演唱會主題曲《瘋狂有時》，對於新歌的製作，Chilam自稱有份參與改名：「《聖經》有句『生有時，死有時……』一共7個有時，咁人生有時都要瘋狂一下。」提到即將舉行的演唱會，Chilam笑指被追「飛債」最瘋狂！事關演唱會一早賣斷市，但要飛的電話依然不斷，他惟有逃避電話！Chilam又指一切準備就緒，包括腹肌在內都可以隨時上台：「個腹肌反而怕練成得太早，要Keep住仲難，下次都係唔好咁早開始操！我都係以健美為主，唔會係好健碩嗰種，我自己都唔係太襯呢種身形。」

Chilam昨日到電台接受薛家燕訪問。