年輕版「M Club」陳嘉寶（Anjaylia）、王敏奕（Venus）、吳嘉熙（小吱喳）、賴慰玲及Annice昨日到電台接受訪問，當中Venus姍姍來遲，她解釋因拍廣告而遲到。問到可希望M Club一起拍攝廣告？她們即異口同聲說：「好想呀！（拍衞生巾廣告最啱？）都好喎！乜嘢廣告都冇所謂。」而Anjaylia表示劇集出街後令她們工作量增多。提到早前監製曾志偉請中女版「M Club」去台灣，問到何時輪到她們？五女笑說：「等緊o架！隨時準備出發。」不過，她們一個想去歐洲，一個想去日本，看來都有排拗。

年輕版「M Club」陳嘉寶（左起）、吳嘉熙和王敏奕齊齊到電台宣傳。