無綫藝人苟芸慧及何傲兒等昨日出席《明珠絕色：狂野巴西》記者會，對於被指冧掂緋聞男友郭富城經理人小美而「入城」有望，氣得城城舊愛熊黛林冷笑三聲兼拋下「冧掂好勁咩」作回應，仍未收身的苟姑娘說：「可能佢唔係咁嘅意思，唔清楚佢意思不便回應！（佢唔在乎你？）咁就好，做嘢係求氣氛好啫！（你同小美好Friend？）OK！嗰次睇醫生撞到。（城城介紹你睇醫生？）唔關佢事，唔想每次都牽涉佢。」又笑言想有新戀情，因她拍拖即瘦，會在意對方如何睇自己。

包到冚的苟芸慧（左）與騷長腿的何傲兒相映成趣！

何傲兒則透露姊姊傲芝與蕭正楠甩拖後心情OK：「佢依家自由身，出面有工作搵佢。（TVB唔要佢？）唔係話邊個唔要邊個，靜靜先囉，家姐唔擔心。（無綫製作部總監曾勵珍撐蕭正楠同黃翠如，家姐返TVB無望？）呢行好細，唔係做呢間就嗰間o架啦！（見到蕭正楠會尷尬？）佢係同事，我同個個同事都打招呼嘅！」