張德培秘技傳授小港手

張德培（Michael）昨日來港出席「LONGINES Future Tennis Aces 2014發掘未來網球冠軍-香港區選拔賽」記者會及委任儀式，並即場傳授打網球心得予即將代表香港出戰法國網球賽的12歲網球選手梁筠彤，又親筆在巨型網球上寫鼓勵字句給她。Michael這次帶同太太及一對女兒同來，他表示女兒是首次來港，將逗留一星期左右，問到此行去過或想去甚麼地方，他說：「因為呢幾日都落雨，冇去到啲咩地方，都想去海洋公園。今次喺香港好開心，周圍行吓，星期日就起程去法國睇錦織圭比賽。（想唔想囡囡第時都打網球？）It'll Be Nice，如果佢哋鍾意，我哋一家人可以打網球家庭樂。（會唔會幫助香港嘅年輕網球員？）今日見到梁筠彤都覺得好鼓舞，去法國比賽對佢嚟講係個新鮮嘅旅程，對佢球技進步有幫助，香港網球新星計劃我間中亦有幫手。」作為父親的Michael認為運動可以訓練小朋友手腳協調、體育精神和毅力決心。