藝人吳君如昨日以奧比斯「光明大使」身份，出發到越南三日探訪當地的醫院、學校及家庭，她帶了大批文具及玩具送給小朋友。談到近日中越局勢緊張，問到會否擔心當地有反華示威？她說：「冇得擔心，去親嗰啲地方大家都『嘩』，可能家人都擔心，佢哋都知我去，老人家梗係話唔好帶個孫去啦！但我話好安全，因為我去咗五年！」又表示本來想復活節帶囡囡去探訪，無奈兩人的假期未能配合而取消，但打算暑假再去，而女兒亦已答允：「拍戲環境都幾惡劣，啱啱帶佢去廣州探爹哋（導演陳可辛），爹哋拍緊拐賣兒童題材嘅電影，要去偏遠、缺乏衞生嘅地方，個女都冇詐型。」

「光明大使」吳君如出發到越南探訪貧困小朋友。