「長腳蟹」呂慧儀懷有身孕四個多月，前日晚上7時，貪靚的她棄高踭鞋，穿上飄逸長裙及矮踭鞋，在友人陪同下到中環的超級巿場行街，肚凸凸的她上圍再度升Cup。她在店內專揀烘焙用品，然後揀零食及糖果，心大心細的她又拿着靚靚蛋糕紙左拼右拼。

已懷有4個月身孕的呂慧儀左右手均戴滿平安飾物，安胎可謂不容有失。

呂慧儀與好友一邊揀零食一邊有講有笑，一心二用。

為保大細平安，呂慧儀除了放棄高踭鞋外，其右手又戴上紅繩及平安繩，左手則有定驚玉鈪，相當多法寶。當她發現記者後即開心地舉V，繼而揮手示意，及至選購完所需用品後，女友人相當識做地代為拿戰利品，而呂慧儀則翹實對方齊齊往停車場取車，她更充當司機接載好友一同離開。