黎耀祥支持交往 曹永廉：佢哋好夾

黎耀祥、曹永廉及陳凱琳等昨日為新劇《商戰》到山頂開工，提到蕭正楠（Edwin）與黃翠如的緋聞時，黎耀祥表示亦有聽聞，認為男未婚女未嫁，交往屬正常。而與蕭正楠分屬好友的曹永廉則透露二人關係，他說：「我知道佢同翠如拍《師奶Madam》嗰時真係冇嘢嘅，但知道佢哋好好朋友，好夾，我都估唔到Edwin咁快公布想追翠如！」他又大讚翠如心地好，又謂知道Edwin已單身一段時間，不過二人平日沒有討論感情問題。至於同場的陳凱琳第一次拍劇，她表示對自己的要求很高，希望演戲演得像平日生活一樣，自然得來又有戲。