藝人曾華倩及陳友昨日分別為吳綺莉的電台節目錄音，華倩透露日前獲囝囝獻吻作為母親節禮物，問到囝囝有否拍拖，她說：「15歲仲早，況且佢讀男校。（有冇傾性知識？）會叫佢問爸爸。」她又大讚無綫劇《女人俱樂部》好睇，笑言若有續集的話都希望參演。而吳綺莉則表示獲囡囡送驚喜禮物：「本身畀咗一千蚊佢買琴，點知佢買咗支五百蚊嘅美白護膚品畀我，話驚我化得妝多會面黃，雖然真係好貴，但係我好感動，要留起個樽。」

曾華倩指囝囝未係時候拍拖。

陳友與吳綺莉談笑風生。

另外，陳友透露溫拿將於十月舉行美加巡唱，他表示每日都會踩單車Keep Fit，問到譚詠麟可有「跟操」，他笑說：「佢個肚腩隨傳隨到。」