蕭正楠昨晚坦承正在追求黃翠如，更多次力撐對方並非「小三」，自言已單身一段時間。愛得癡纏的他自認宅男，拜倒在「宅男女神」黃翠如的石榴裙下！

蕭正楠承認正在力追黃翠如！

Edwin大讚黃翠如純品，說時春風滿面。

熱戀男女蕭正楠（中）及黃翠如未有同場拍攝世界盃MV。

藝人蕭正楠（Edwin）昨晚受訪時回應緋聞，承認現正力追黃翠如，更多番維護對方，指她並非「小三」：「尋日睇到報道，戥翠如辛苦，一個人面對晒成件事，所以想出嚟講番幾句說話。最近雜誌有少少針對我哋，報道負面，所以想講啲嘢幫翠如攞番公道！」問到與何傲芝的感情如何？他為兩人摸不清的感情畫上句號：「我Single咗好耐！」並為翠如「小三」之說拆彈。

何傲芝：邪不能勝正

他透露與翠如合作《師奶Madam》時甚有默契，雖然忙於拍攝四圍飛，但兩人仍保持聯絡，感情愈來愈好。問到可會與翠如發展感情？他甜笑說：「唔使講啦！佢係宅男女神，我都係宅男嚟！咁純嘅女仔好少見，係純得好交關，所以我先咁大膽！」提到被指共處一室多個小時，他說：「有啲Over咗。（同居？）冇可能。（何傲芝係受害者？）佢未必係講呢件事，好多嘢都係微博Cap出嚟。呢排忙冇聯絡佢，你哋可以問番佢。」他表示與何傲芝仍是朋友。事後，何傲芝留言表示不想作任何回應，但腦海突然浮現一句說話：「邪不能勝正！」

另外，無綫日前拍攝世界盃MV，蕭正楠及黃翠如未有同場，翠如孖住好拍檔洪永城拍攝，蕭正楠則與港姐陳凱琳及岑麗香大跳勁舞。