無綫為世界盃花盡心思，特地將電視城中的七廠改建成模擬酒吧，令一眾低俗講波團主持可以增加現場感，讓大家睇得盡興，鍾意剝到成地花生、睇到爆粗都冇問題！同時無綫找來多位名廚包括Ricky Cheung、劉晉及美女廚神Kit Mak（麥潔兒）等坐鎮，負責帶埋食材上節目，即場下廚炮製多款名菜，一次過滿足雙眼及腸胃，有得食又有得睇靚女兼盡興睇波，相信屆時必定吸引多位藝員前來湊熱鬧！

阿叻除了會幫手講波外，還會飛到巴西現場直擊。

明星足球隊隊員陳百祥（阿叻），一聽到低俗講波團可以爆粗助興，他認為冇問題：「我諗佢哋都係講助語詞啫！平時我哋去Bar睇波都會講助語詞啦！」又稱暫未收到通知邀請到七廠湊熱鬧，但坦言屆時會幫手講波：「應承咗幫手，最尾嗰場仲會飛到巴西現場講添！（一齊錄時可會爆粗？）我有個職業病，一見到電視就講唔出，平時可能講得仲多。」而林盛斌（Bob）對於無綫成立低俗講波團，他說：「吓！咁筍？作為觀眾我都想睇吓，無綫好少有啲咁踩界嘅節目，梗係想睇吓佢底線去到邊！」