對於黃翠如和蕭正楠的戀情曝光，與翠如BB昨日同場出席《2014FIFA巴西世界盃》活動的高鈞賢和陳庭欣，近日不約而同被緋聞纏身。陳庭欣否認與翟威廉拍拖兼同居，對於態度親暱的說法，她說：「當日佢搞House Party，佢拎住蛋糕，我幫佢拎住件衫，之後畀番佢啫！」

高鈞賢承認有相約苟芸慧玩小型賽車。

陳庭欣澄清到翟威廉新屋House Party，並非同居。

而高鈞賢被指力追苟芸慧，他坦言雖雙方均來自加拿大，但僅是好朋友：「追到女神好開心！（短訊攻勢？）都冇，只係黃長興結婚時講過，如果苟姑娘坐隔籬就好！（話係長興撮合！）長興當佢係妹，有時一齊食飯。知佢鍾意車，我哋玩小型賽車都會叫埋佢。（發展空間？）女神喎！遲啲先，依家專注工作。」更指稍後會與苟姑娘到巴西，獲悉當地治安差，承諾會保護對方。