近期因拍攝劇集《愛我請留言》而爆紅的童星楊鎧凝（Celine），昨日到商場行時裝騷，在台上擺出多款賣萌趣致表情搶晒鏡！

Celine台上擺嘟嘴甫士，可愛度爆晒燈。

張瞻遺傳表演天分，跳舞有板有眼。

歐陽妙芝拖兩個寶貝仔行騷，激讚有99分。

Celine親親媽咪賀母親節，甜到漏啦！

劇集《愛我請留言》中飾演黃浩然女兒的童星Celine，昨日與名模歐陽妙芝及其兩名兒子方玉丞及方玉亨行時裝騷，當她未出場時四圍走勁活潑。

妙芝收黏土碗

身穿粉紅服裝上台的Celine，行騷時面對觀眾毫不怯場，還不斷賣萌嘟嘴，又舉起勝利手勢，可謂搶盡風頭！Celine母親亦有陪到場，完騷後母女合照時，Celine還送上香吻。

而歐陽妙芝三母子一同行騷，大仔方玉丞自言練了一、二次，妙芝則給囝囝99分：「佢哋鍾意表演，大仔鍾意唱歌，細仔鍾意跳舞。」問到會否想做藝人？玉丞表示想做足球員，而細仔則想做表演者。問到母親節如何慶祝？妙芝說：「乜節都係兒童節！24小時陪小朋友，母親節慶祝大仔生日，佢13號生日提早啲搞生日會。佢哋送乜都冧，但最怕佢哋嗌交。」細仔玉亨透露花了四日整黏土碗作禮物。妙芝指兒子長大，每個月希望有兩至三日空檔去旅行，享受寧靜空間。

「安琪兒」晒舞功

另外，張繼聰與謝安琪的兒子張瞻昨日在另一活動上表演，但未見兩夫婦出現。年紀小小的張瞻舞技不錯又表情多多，遺傳了父母的演藝天分！