昨日是母親節前夕，霍震霆出席遊艇活動時透露會偕霍老太、長子啟剛、媳婦郭晶晶及孫兒中曦吃飯慶祝，他指四代同堂，霍老太最開心，又透露孫兒現在學爬行，甚有運動能力，並開始認得他。問到可會催促兒媳再造人？他笑說：「呢啲跟程序啦，等啟剛冇乜黑眼圈先再嚟！（唔會再畀壓力佢哋？）佢哋初初結婚，我就話唔好等喇，嫲嫲口水都流埋，依家有個孫仔畀佢玩啦！（佢哋湊小朋友辛唔辛苦？）都要付出，因為時間不一，要分工合作。」

霍震霆講起「剛晶」一家即笑得開懷，一副慈祥的模樣！

同場的名模Rosemary真空行騷，記者笑問她上圍是否縮水？她說：「可能我瘦咗，因為我跑步，嚟緊會去內蒙古跑慈善馬拉松。」問到如何慶祝母親節？她說：「媽咪唔喺香港，佢去咗旅行歎世界，等佢返嚟先同佢食飯！」