擔任鄭多燕萬人Show表演嘉賓的阮兆祥、陳嘉佳（細細粒）及蝦頭等，昨晚未有因負面報道而影響士氣，繼續落力演出。由於祥仔未知鄭多燕於昨午私下開記者會表達不滿，當從記者口中得道事件始末後，即表示作為藝人當然希望自己的表演會多人看，但亦很佩服孫敬安破天荒的做法，因這種Show在香港未曾舉行過。

落力演出的祥仔，對鄭多燕開記者會一事毫不知情！

細細粒與鄭多燕同台放笑彈。

對於票價貴致滯銷一說，祥仔不以為然，並舉台灣組合「五月天」演唱會為例：「五月天演唱會門票貴之餘更畀人炒貴，但都十分搶手！（覺得鄭多燕唔開心？）唔覺喎！所以我先咁突然！（佢對你耍大牌？）私下對我冇唔禮貌，但估唔到騷未完就開記者會。（對你有影響？）我哋好專業，一個觀眾同10萬個觀眾都係盡力做。」