「花無百日紅」，現年26歲的趙哲妤未雨綢繆，為將來積極裝備自我。除了是藝人外，她現時更是碩士生及政黨成員，最近更榮升老闆娘涉足飲食業，身兼四重身份！這位小妮子能有今日的成就，全賴抱有「為將來奮鬥」的信念。

趙哲妤深明娛樂圈變化多端，因此扲本做生意鋪後路。

Uny對食有要求，期望可以在飲食業闖出頭。

雖然身兼四重身份，但Uny仍堅持抽空落舖招呼食客。

老闆娘Uny的生意漸上軌道，大可慢慢數銀紙！

Uny拋開明星包袱，落手落腳打點店內大小事務。

曾推出性感寫真的Uny，期望洗脫「花瓶」形象。

參選2010年中國小姐奪冠的趙哲妤（Uny）現已入行四年，曾推出寫真集，亦曾經歷模寫真戰。為洗脫「花瓶」形象，她近年積極學習，除了在香港公開大學修讀碩士課程自我增值外，又加入政黨服務社會，她說：「讀書學到嘅知識係自己嘅，冇人拎得走。學到嘅知識可以用番喺社會先重要，幫到人自己都開心，我仲有幫小朋友補習。」每個人對「性感」都有不同的詮釋，對Uny來說，現時的準則是應性感時便穿上合適服裝出席大場合。

花無百日紅

Uny打從心底希望靠努力創造將來，擁有個人事業，而她今天終於如願以償，與友人開餐廳拓展飲食王國。她瞻前顧後，深明娛樂圈生活並不長久：「唔知可以做幾耐，亦未知將來係點，不如依家做定有能力做嘅生意。就算將來真係做唔到娛樂圈，都唔使擔心條路點行。」

她去年投資6位數入股串燒餐廳生意，現已做了老闆娘一年，同時逐步學習打好基礎，致力建立飲食事業。對食有要求的Uny，談起生意即頭頭是道：「第一次做生意，有興趣做飲食係因為對食有要求。我鍾意食辣同BBQ，同埋覺得串燒容易控制分量，少少哋先好味。」她平日要上學，每逢有空便會在店內坐鎮，同時兼顧學業及事業：「一星期有4日喺舖頭，要就時間做功課。我每朝都會去揀海鮮入食材，招呼客人，收錢，洗碗同執頭執尾都親力親為，唔會假手於人。」她又笑稱首次洗碗時曾洗爛指甲。

許勝不許敗

她與友人再合資開設另一間川菜雞煲店，新店已於3月正式開張，她說：「由睇舖到裝修都有參與，開業就好似睇住BB成長。我搵四川人做廚師，當夥計係朋友，廚師亦係朋友，自己會學多幾樣拿手菜。」動用儲蓄創業的她希望在一年內回本，如成功達到目標明年便會再開新店。雖然家人不支持，但她仍會努力：「屋企人覺得食肆易蝕，所以今次係『只許勝不可敗』，要證明我嘅努力。我想開創飲食天地，事事親力親為，喺飲食界闖出名堂。」Uny同時兼顧幕前及政黨工作，又身兼學生及老闆娘的雙重身份，一身女強人本色！

後記：拋開包袱打雜

受訪當天，Uny剛入完貨返回舖頭，完成訪問後即脫下外套，戴上圍巾招呼客人。完成店內工作後，她又立即急急腳換上便服上學。Uny自言是門外漢，仍要繼續學習營商之道，活到老學到老，實在令人佩服！