黃長興昨日陪同腹大便便的太太Peggy入院，準備今日剖腹產女迎接新生命來臨。自言喜歡小朋友的他表示今次是第一胎，但希望太太可以為他繼續生，長生長有。

Peggy翹實老公黃長興，相當恩愛。

黃長興昨日陪同Peggy入院，準備今晨剖腹產女。

藝人黃長興去年三月與女友Peggy擺結婚喜酒，其後到泰國度蜜月成功造人。懷有九個月身孕的Peggy，昨日在丈夫長興陪同下入院，準備於今晨8時剖腹誕小生命。昨日傍晚5時，長興與腹大便便的Peggy十指緊扣抵達醫院，自言很喜歡小朋友的長興表示，今胎是女兒，之後會繼續生，希望長生長有。問到心情如何？他說：「依家未係好緊張，不過過多一陣可能會變得好緊張。（點獎勵太太？）會更加錫佢，佢佗咗九個月都好辛苦，要對佢再好啲，但最緊要係小朋友健健康康。」他知道太太心情緊張，故會陪她過夜，亦已準備相機和攝錄機，屆時一起入產房見證小生命來臨：「到時拍得邊樣拍邊樣。」他倆又希望小朋友可以健康成長，故決定餵母乳。

拒做怪獸家長

長興還笑言未有做爸爸的感覺，可能要待小朋友出世一刻才有。問到會否為小朋友日後的入學問題而緊張？他說：「依家未感覺到壓力，可能要再遲啲先會知。（做怪獸家長？）應該唔會啩！呢啲到時交畀太太處理，我見到佢平時有上網搵資料。」此外，Peggy表示心情有點緊張，並全程依偎着丈夫，相當溫馨。