英國男星奇里夫奧雲（Clive Owen）前晚以品牌大使身份出席積家錶活動，他以筆挺西裝現身，甫到場即與品牌亞洲區行政總裁Mr.Guillain Maspetiol合照，十分識做。首次訪港的他賣口乖說：「香港好正，我有周圍行吓睇吓嘢，最鍾意就係周圍食嘢，乜嘢我都鍾意食。」談到可有認識或欣賞的香港電影人？他即說：「我同杜琪峯好Close，識咗好耐，如果有機會當然想同佢合作，我好鍾意佢套《神探》，睇咗好多次，仲想重拍呢套戲！」問到若重拍《神探》想演好人還是壞蛋？他笑言只要有機會來港參與拍攝已經很滿足！

奇里夫奧雲（左）與積家錶亞洲區行政總裁Mr.Guillain Maspetiol合照留念。