洪卓立（Ken）與女友湯怡被《好報》全程直擊有意「婚前試居」，吼實西灣河千萬筍盤，行孖咇揀心水愛巢，據悉成功上車做業主後便會於年底拉埋天窗。Ken昨日與湯怡透過電話回應時口徑一致，承認有意結婚買樓，Ken說：「未咁快結婚，希望可以呢一、兩年內，係朝住呢個目標進發。但我同湯怡都怕煩，唔排除旅行結婚。」他又指今次睇樓皆因有熟人介紹，打了大折頭給他，會考慮趁低入市。而湯怡表示目前仍是「儲彈藥」階段，問到是否「先買樓，後結婚」？她說：「可能掉番轉都得！」

Ken與湯怡被《好報》直擊睇樓，似乎好事近！