高調宣布和美籍華人演員高聖遠拍拖的周迅，被指有意拉埋天窗。堪輿學家陳子才表示看好兩人的感情：「佢哋嘅命格入面，喺2013年都有感情上嘅變化，所以上年可能已經拍緊拖。而男方嘅夫妻宮係注定發展異地戀，加上周迅屬火，而男方係屬水，兩個都係互補不足，女仔係會帶旺男仔嘅事業同財運。」陳子才又透露兩人笑容一致有夫妻相，更有可能在今年底拉埋天窗：「二人各自嘅夫妻宮都有正桃花，2014年尾或者下年年頭都好大機會結婚，仲有可能係雙喜臨門，而生B女嘅機會比較大。如果錯過咗，最快去到2017年先再係結婚年。」