劉家輝昨午突然現身無綫電視城參觀及食晚飯，昔日老友許紹雄、盧宛茵、米雪及秦煌等20多人，在高層樂易玲率領下出迎，樂小姐特意為他安排在中餐廳用膳，品嘗其至愛的蒸魚及燒鵝，吸引大批記者追訪。

劉家輝在一眾老友簇擁之下遊無綫。

師傅精神不錯，一度拒絕友人為他蓋圍巾保暖，樂小姐透露曾帶他參觀古裝街及廠房：「撞到岳華同劉丹，劉師傅同佢哋寒暄之餘亦有合照，佢胃口唔錯呀！食晒成隻燒鵝髀同飲咗兩碗湯，不過唔想佢咁夜走，今次出嚟佢都要申請。」

劉師傅於電視城逗留3小時後離去，臨走前更向記者「Yeah」了一聲，而米雪接受訪問時表示劉師傅精神不錯：「我叫佢食多啲嘢，補充營養，點知佢以為人哋叫佢走，即刻扁嘴話自己唔走！」