前港姐冠軍張嘉兒昨日出席慧妍雅集活動，身形明顯比以前Fit，她表示最近經常與朱凱婷及其女兒一起游泳。問到面形比以前「V煞」，她說：「係運動嘅成績，我冇整過，唔鍾意畀人話我整過，我有學化妝，好努力改善自己。睇番我2007年參選嘅相都『V』，但有啲登出嚟都好包，係角度問題，低炒我都肥。（畀人話豬扒好Hurt？）當然有啦！信心都有動搖，依家希望鍾意自己嘅人都會繼續支持我。」她表示游泳可以練氣，又指早前參加《星夢2》面試，唱了兩首歌，評判指她唱得幾好。問到可有壓力？她說：「唔驚，玩吓啫，上次啲參賽者都係膽粗粗去，依家我講咗出嚟到時唔入圍就(火羅)。」

面形「V煞」的張嘉兒否認整容。