薛凱琪談情時間夠追十個仔

薛凱琪（Fiona）早前被拍到上男友人家，她昨日出席adidas活動時否認有新戀情：「唔係拍拖，佢係我音樂上嘅合作夥伴Fergus Chow，我哋係好朋友。（點解撻唔着？）如果我要識一個男朋友，要傾好多年偈，要好深入了解先得，我同佢少傾私事。（再傾幾年你唔細？）係呀，人哋可以用嗰啲時間追10個仔。（生BB？）依家科技40幾歲都生到，暫時未有對象。」提到緋聞舊愛房祖名被傳有新女友，Fiona說：「我有WhatsApp佢睇，佢話7個男仔淨係登佢一個。（個女仔係佢女朋友？）咁我就唔知。」同場的劉心悠指母親已由台灣搬到香港跟她一起住，她現在有湯水飲，還跟母親預祝了母親節。