無綫花旦徐子珊昨日穿低胸泳裝出席美容院代言活動，以七位數簽約成為代言人，被指以性感踢走鍾嘉欣任新代言人的她指品牌未有要求，又不擔心與嘉欣見面會尷尬，並多謝嘉欣做好形象。

子珊收七位數代言，當然交足貨啦！

子珊拍攝廣告時性感上陣搏到盡。

鍾嘉欣

中門大開的子珊出席活動時，由兩名猛男傍實。

徐子珊昨日以低胸泳裝，幾近中門大開示人，非常性感，出場時更由兩名猛男傍實，現場播放子珊穿比堅尼打排球的電視廣告。子珊笑言有猛男陪出場令她相當尷尬。對於酬勞達七位數字，子珊相當滿意，又感謝美容院無限贊助療程，笑言令她慳好多。

有指子珊以三百萬港元酬勞成為代言人，她說：「對酬勞滿意！多謝佢哋，宣傳預算比較多，平面同電視廣告都有，呢啲對藝人都好重要！（七位數？）有，不過我諗我去做療程都做凸！」對於接鍾嘉欣棒成為代言人，令二人的粉絲掀起罵戰，她說：「報道寫啫！多謝嘉欣將形象做得咁好，有正面效果，多謝佢哋搵番TVB Artist，公司開心，大家都好開心。（性感踢走嘉欣？）唔係，品牌冇要求，最緊要健康。（見到嘉欣會尷尬？）唔會啦！呢啲嘢成日喺我哋公司發生。」

新劇谷收視

另外，有指劇集《西遊記》收視未如理想，無綫安排由子珊的《點金勝手》緊接《女人俱樂部》結局後播出，挽救收視，她說：「咁睇得起我呀！我嚟咋！不過好開心，拍嘅劇咁快出街，今次角色有得發揮。」她又表示未有時間看《西遊記》，故未能評論。