蔡一智經常帶囝囝遊山玩水，一家人近日去望海，囝囝仲睇到唔捨得走，看來他長大後想做泳手，多過學爸爸一樣做歌手呢！

組合草蜢成員蔡一智向來重視家庭樂，平日除與蔡一傑及蘇志威齊齊吸金外，不用工作時便與家人享天倫樂，是圈中的模範爸爸和老公。日前他與家人一起行山，眾人一邊欣賞風景，一邊呼吸新鮮空氣，非常開心！而貼心的蔡一智為怕細仔行得攰，更安排了「專車」接送。

繼行山後，蔡一智近日再帶家人「出動」，今次不是欣賞花草樹木，而是去望海。而細仔似乎對大海情有獨鍾，站在欄杆旁望到入神，完全唔捨得走，明顯愛望海多過行山，難怪連蔡一智也在微博留言︰「一家人黃昏散步！細官最喜歡看海！」唔知細仔呢個舉動，係咪要話畀蔡一智知，長大後未必子承父業做歌手，而是做一條「飛魚」於海中暢泳？