劉浩龍（師兄）、泳兒、蘇永康和許志安等前晚一同演出音樂會，師兄日前被影到與容祖兒行街睇衫，他笑言祖兒嫌棄他口味太浮誇，又稱仍未慣被追訪拍拖生活，當提議兩人同居便不會被偷拍，他玩食字說：「唔會住，唔會一齊住。（許志安都同居啦！）咁佢結咗婚嘛！」語畢全場嘩然，不小心「踢爆」好友秘密的他試圖解釋：「我睇雜誌咋，唔係咩？我當結咗喇！我太想佢哋結。」

與祖兒拍拖被追訪，劉浩龍坦言不習慣。

同場的安仔即表示要準備演出不做訪問，他昨日出席另一活動時再次否認婚訊，又講笑地與師兄劃清界線：「同佢唔係好熟，冇乜交流，我未結婚。」同樣被吳國敬指他快結婚的蘇永康，雖曾發毒誓否認年底結婚，其後被傳婚期是12月的他，未知是否怕被追訪，前晚以失聲為由不做訪問。