近日忙於準備演唱會而接受「地獄式」排練的王菀之（Ivana），日前為拍攝個唱短片來個造型大變化，由頭到腳噴得「烏卒卒」，又戴上令她狂標眼水的有色隱形眼鏡和壓到頭痛的超巨型帽，不過Ivana沒有因而叫苦，認真捱得。

王菀之戴上有色隱形眼鏡及大帽，苦不堪言。

王菀之將全身噴黑，變身黑炭頭。

歌手王菀之第二個個人紅館演唱會《菀之論》將在下星期六舉行，日前Ivana為了拍攝一輯演出時在舞台上播放的短片，特地在百忙的排練中抽出時間拍攝。除邀請國際級導演操刀外，其造型相當突破，要向來白淨的Ivana變身黑炭頭，她說：「第一次變身黑人，要將全身噴黑，連耳仔同鼻窿都唔放過，淨係個妝都化咗四、五個鐘。」

戴隱形眼鏡狂標淚

Ivana坦言照鏡也認不出自己：「覺得瘦咗好多，變咗另外一個人。」導演又要她戴上一副白色隱形眼鏡拍攝，令到Ivana叫苦連天：「我即刻叫救命，其實我基本上冇戴過隱形眼鏡，根本唔識戴，要工作人員幫我戴，但我就不停流眼水，最慘係要忍住，因為啲眼淚水一流落嚟，我個黑色妝就會全花，真係一個好難嘅挑戰，好彩最後都完成到。」

變身「白眼黑人」後，導演又再要求她戴上一頂分量十足的大帽，由於帽太重，拍攝時Ivana的額頭慘被壓出一條深痕兼引起頭痛，幸而她意志力驚人，靠幻想分散疼痛感覺：「惟有一直當頂帽係蛋糕，幻想自己可以大啖大啖食啲Cream，等自己開心啲。」