Cara:做媽咪Amazing

混血模特兒Cara G.與囡囡India首次慶祝母親節，India昨日剛滿兩個月大，母愛洋溢的Cara說：「做媽咪係我人生中最Amazing嘅經歷，唔知會生幾多個小朋友，但肯定唔止一個，都想India有細佬妹陪。唔期望India將來要有幾叻，只係希望佢可以開開心心，同埋成為一個好人，會關心、照顧同幫助身邊嘅人。」她笑言母親節當天會休息，躺在床上摟着囡囡India，早午晚三餐都要有人送到面前，而丈夫Jesper亦樂於滿足她的要求。Cara表示一家三口將於下月到丹麥探望Jesper家人及到西班牙遊玩。為了India有更好的生活，Cara努力工作，而India亦腳頭好，Cara的健康果汁生意愈做愈大，將於8月在中環開新店，投資額達250萬港元。