有讀者爆料指AD2成員Amy實際年齡34歲，並曾於2月到韓國整容及隆胸等，又指她獲已婚富二代出錢搞生日P的報道見街後，對方即鬧離婚。而除了指Amy曾在尖東以每小時2,500元收費坐枱外，更要求前成員Aily到內地接客而導致拆夥。

AD2成員Amy表示與Aily（左）拆夥只因性格不合。（資料圖片）

就各種指控，Amy以電話回應接客一事，並高呼：「冇做過，唔怕人講！」她強調拆夥是與Aily性格不合，又指該富二代只是不熟的普通朋友，不清楚是否已婚。至於「報細數」，Amy強調要保持神秘感：「我報街21，如果34歲仲有咁嘅樣同身材真係要還神！」

不過，她沒有直接否認赴韓整容的傳言，更邀記者摸胸驗證，並笑說：「有人話我似黃夏蕙，佢80幾歲都Keep得咁好，唔介意大家咁講！」