「長腳蟹」呂慧儀宣布有喜後，獲老公黃文迪貼身服侍，細心的老公見蟹蟹電話冇電，即提議交換手機讓老婆大玩特玩，卻遭蟹蟹在微博搞笑踢爆他「借機」Check電話。

無綫藝人「長腳蟹」呂慧儀早前宣布有喜，老公黃文迪開心到震，更化身廿四孝老公貼身呵護嬌妻。黃文迪日前在微博上載蟹蟹等做產檢的照片，更取笑老婆手機不離手：「等睇醫生都好專心地玩，好明顯你都好緊張結果！」而狂玩手機的蟹蟹當然睇到老公留言，更即時搞笑回覆：「我玩到部機冇乜電喇，又交換玩吓哩！」

詭計敗露

在老婆大人一聲令下，黃文迪乖乖奉上電話，殊不知事後被蟹蟹在微博上搞笑「投訴」：「呢個人好細心咁話我電話冇電，交換玩啦，然後喺度睇我微博，話好多嘢睇……嘿，你以為洗我版我唔知咩，其實我一直在你後面盯住！」看來黃文迪「借機」Check老婆電話的任務失敗，下次要醒目另謀高計啦！