杜汶澤近日因發表言論令內地「反澤」,更有人發起罷睇其客串的彭浩翔新片《香港仔》(內地名《人間.小團圓》),而邵音音昨日出席亞視活動時亦不再撐阿澤,她稱本來預留時間拍阿澤執導、郭子健及彭浩翔主演的新片,但如今似乎開鏡無期:「阿澤做導演可能都要保密。佢講嘢有時係冇心,但做公眾人物預咗畀人鬧,人哋讚你你又唔多謝?呢句話係講畀阿澤聽嘅!」

音音姐昨日明講說話畀阿澤聽,阿澤又要反省吓喇!

阿澤(左)客串彭浩翔電影,結果累街坊,彭浩翔睇怕都始料不及。

記者致電阿澤,他拒絕回應音音姐的言論,只說:「戲會8月開,投資600萬,根本冇諗過內地市場。」郭子健亦力撐阿澤,表示該片如期籌備中。另外,彭浩翔昨日發聲明指《香》片是台前幕後的心血,呼籲大家理性看待,不要因阿澤客串而「禍及無辜」。