歌手謝安琪(Kay)昨日出席速配節目記者會,笑言身邊不少同事都是筍盤,問到會否為節目擔任導師傳授心得?她說:「唔得!我得好少經驗,不過鍾意睇呢類節目。」問到喜歡甚麼類型的男士?她指喜歡笑容真摯的男生,但提到老公張繼聰時,則笑指老公拍拖時愛帶「烏蠅鏡」兼攻勢猛烈:「都睇唔清楚,我哋點解會拍拖係一個奇聞!(佢有乜吸引到你?)佢好貼心,管接管送、狂Send Message、送小禮物、寫歌同唱吓歌,做得好足!」

是日女神
謝安琪

此外,提到早前辭演澳門騷,她解釋當時在內地有商演,有傳演唱會節目製作及策劃朱明銳會追究責任,她說:「公司會處理,公司同銳哥溝通好,唔擔心。」