林嘉欣及陳法蓉（Monica）昨日出席《最佳節目頒獎禮》，嘉欣說：「我負責頒獎畀一個講湊小朋友嘅節目，依家啲小朋友3、4歲已經識好多嘢，做父母嘅應該多啲畀佢哋嘗試，咪過分安排。（擔心囡囡第時識朋友？）將來唔輪到我擔心，最重要係培養良好價值觀，識得分辨是非。」

靚媽嘉欣與台上的小朋友相處融洽。

對於早前受前男友朱明所累被貼大字報，Monica說：「舊年已經畀人貼過，發夢都冇諗過會上大字報。想透過我搵朱明機會渺茫，2009年分手後完全冇聯絡，都將近5、6年。（呼籲債主咪再開你名？）問過律師，佢建議報警備案，但我想以和為貴，希望件事盡快畫上句號。」對於羅慧娟的丈夫劉志敏被指有新歡，她說：「我問過佢，佢話係朋友，畀啲空間。我祝福佢，相信娟妹都一樣會祝福佢！」