愛貓之人郭秀雲（Sharon）昨晚以表演嘉賓身份出席爵士豎琴音樂會。對於o靚模Yumi的愛貓由68樓跌斃，她坦言沒留意報道：「我聽過無數次貓跌落樓嘅事，我好忟！唔好以為貓好聰明，其實一跌落街就會死，可能佢見到蝴蝶、雀仔經過，有好多可能性。我屋企養嘅豹貓有30磅，可以推開窗，所以我會關實窗戶，為咗空氣流通就用抽氣扇。」Sharon認為做有責任的動物主人與父母分別不大，想不通的事應多問朋友意見。

郭秀雲忠告養貓人士一定要小心，因貓咪可以有好多事發生，九條命都唔夠。

提到Yumi將愛貓伏屍草叢的照片放上網，被網民抨擊博宣傳，Sharon表示沒意見：「有啲人會用私人方法，有啲人會喊晒口，唔應該話佢，啲人聽到o靚模就諗到博宣傳，o靚模兩個字害咗佢。」