喪貓Ivy爆喊寸Yumi抽水
o靚模尹蓁晞（Yumi）大前日自爆愛貓從68樓高空墮斃，事件一波未平一波又起，據知Yumi其實是「偽貓主」，真正貓主兼同居好姊妹周曉彤（Ivy）喊爆反擊：「隻貓係我嘅！」
Ivy暗寸Yumi冒認貓主博見報，好姊妹決裂！
尹蓁晞（Yumi）
Ivy（後排右）是跳唱組合MVG的成員之一。
周秀娜舊愛陳偉成的現任女友Yumi，大前晚在微博自爆愛貓Dundee從68樓高的廚房窗戶一躍而下，離奇跳樓死亡，惹來網友抨擊Yumi不負責任，竟沒有加裝窗網防止貓兒跳出去。雖然Yumi已聲稱大感難過，但此事原來另有內情，據知Dundee其實是同居密友兼女子組合MVG成員周曉彤（Ivy）的愛貓！自從Dundee過身後，Ivy不斷在社交網站上載落淚照，甚至有貓屍的照片。
到底誰是真正貓主？本報昨日致電Ivy，心情尚未平復的她全程爆喊，並暗示Yumi借愛貓抽水博見報：「隻貓係我嘅！唔明點解有人當係自己嘅，仲將相擺上網。」她又澄清自己養了四隻貓、兩隻狗，為免發生意外，平日家中絕不開窗，廚房門亦常關，除非有人在廚房煮食，Ivy憶述當日情況：「嗰日Yumi喺廚房整嘢食，我叫佢煮埋我嗰份，但佢煮完嘢食唔記得閂門，之後就聽到入面有異響，起初以為Dundee百厭，點知出事。」
痛失精神支柱
好姊妹大頭蝦引致慘劇發生，但問到會否認為Yumi害死Dundee？Ivy說：「好姊妹一場，知佢冇心。（搬屋？）心情好亂，嚟緊要幫隻貓搞火化，暫時唔會諗。」據知，Ivy早年患抑鬱症，平日靠與寵物相處作精神寄託，喪貓慘劇令她非常傷心。而「偽貓主」Yumi昨晚在電話中坦承非貓主：「隻貓係Ivy嘅，但我同佢係好朋友，又一齊住，同Dundee日日見，所以我都當佢係仔咁，大家都有份養佢。件事大家都唔想，我真係冇為意道門未閂，一切都唔係故意，係意外。」她又稱與Ivy見面不尷尬：「梗係唔會啦！我哋一樣咁傷心，呢啲時候要互相扶持！（送番隻貓畀佢？）唔會喇！反而要照顧多啲其他動物。（畀人話抽水？）好無聊，冇話抽唔抽水，唔回應！」
周曉彤（Ivy）
年齡︰26歲
三圍︰32C、24、35
事業：跳唱組合MVG成員，於2011年11月發行首張EP《We are ready》，曾奪新城2011年勁爆新登場組合獎、u channel 2011最喜愛組合新人獎、廣州華語金曲新組合獎等
尹蓁晞（Yumi）
年齡︰26歲
三圍︰33C、24、34
事業︰2009年及2010年以o靚模身份先後推出寫真集《My Yumi My Melody》及《Yumi-form》
