模特兒出身的傅嘉莉昨日以大師姐身份帶領公司一班師弟妹出席植樹活動，升呢成為公司一姐的她自爆小時候狂用紙巾，更被家人封做紙巾怪，現時希望藉着植樹來彌補。　

Kelly表示因潔癖狂用紙巾，現時為環保改用毛巾。

Kelly帶領一班師弟妹植樹，大師姐果然是環保好榜樣！

傅嘉莉

傅嘉莉（Kelly）昨日以植樹大使身份出席活動，身為大師姐的她率領一班同門師弟妹亮相，站在師弟妹中間的她甚有大家姐風範，明顯已升呢為公司一姐！

為喚起市民的環保意識，身體力行參與植樹，實行以身作則為環保出力。

環保靠分類

Kelly自爆小時候極浪費紙巾，現在希望透過擔任植樹大使來彌補：「屋企人話我係紙巾怪，本身有啲潔癖，少少嘢都用紙巾抹，一日用好多紙巾，仲試過拎廁紙圍住自己扮木乃伊！到十幾歲先意識到唔可以浪費紙巾，依家用多咗毛巾，仲將紙巾分開一半，可以分兩次用！」

不再是紙巾怪的她現時奉行環保生活，又表示曾在日本居住半年，當地人環保意識甚強，她亦從中學會垃圾分類：「依家屋企有3個垃圾桶用嚟分類，又會拎玻璃同報紙去回收，仲會熄咗啲唔用嘅電器慳電。」

另外，她又呼籲更多人支持及響應環保，為地球出一分力。