雨僑操人魚線做打女

雨僑、莊思敏、石詠莉及王宗堯昨日代替主角甄子丹和任達華到商場宣傳電影《3D冰封俠》，雨僑透露最近狂做Gym望練出腹肌及人魚線，希望穿背心做打女：「唔想凸出個肥腩，之前斷食三日爭啲暈，要靠番運動。（操Fit後行泳衣騷？）太大壓力！舊年行內衣騷，我加咗件長袖衫，早排佢哋原班人馬再有騷，但就冇搵我！（男友唔想？）係信心未夠。」莊思敏則表示跟女主角黃聖依有較多對手戲，想不到對方勁柔軟：「佢可以將腳放上個頭，我就唔得，佢反而驚訝我點解做唔到。」而電影公司透露《3D冰封俠》前日正式上映，單日票房加上早前的優先場，中港兩地共收約3,000萬元人民幣（約3,700萬港元），星馬則收1,500萬港元。