女子跳唱組合FFx將於六月舉行迷你演唱會，四女近日積極備戰。成員李詩穎（Ceci）表示每星期都會練習唱歌及跳舞：「希望會有好表演畀大家睇，所以依家每個星期都會練舞同練氣，辛苦少少都冇所謂！」

Ceci希望推出散文集，轉型做才女。

Ceci除了是FFx的成員外，亦是隊中的御用化妝師：「每次出活動我都會幫其他三位成員化妝Set頭，所以每次我都會帶化妝箱去。」她又希望完成兒時夢想，在書展中推出個人散文集：「本身我好鍾意睇書，對文字有濃厚嘅興趣，所以好想寫一本屬於自己嘅書。」