強勢攻台的樂隊Mr.獲伯樂譚詠麟力撐，揚言放眼世界的他們，從未想過只Base在一個地方玩音樂。

樂隊Mr.早前到台灣舉行新碟發布會，獲譚校長（左三）到場支持。

難得到台灣，Mr.五子當然唔會錯過踩單車放鬆一下啦！

Mr.在台灣有一定人氣，你睇咁多人支持佢哋就知啦！

進軍台灣的樂隊Mr.早前在當地舉行新碟發布會時獲「校長」譚詠麟現身撐場，主音Alan表示十分感激：「校長就係我哋Mr.嘅伯樂！冇校長就冇Mr.！佢喺台灣嘅時候做完嘢都唔休息，趕嚟我哋嘅台北發布會，好榮幸同好感謝有校長呢個前輩提攜我哋！」除了伯樂譚校長外，同門歌手吳雨霏及關楚耀亦大讚五子為音樂而放下香港的一切的勇氣。

風雨同路 宣揚音樂

提到在台灣出碟大獲好評，成員Ronny卻坦言沒有落地生根的打算：「冇諗過Base喺一個地方發展！因為如果做音樂應該要去唔同嘅地方，了解唔同嘅文化，將音樂帶畀唔同嘅人！」

希望把音樂傳揚到各地的Mr.，在台灣做音樂期間爆出不少趣事，常以單車代步的Dash笑說：「四個人搭的士、一個人踩單車會化算啲！」

而Tom則大爆「不和」內幕：「日日都去Band房夾嘢，有啲人想夾，有啲人唔想夾。我同MJ同房，佢成日甩毛，大家嘅生理時鐘又唔係好啱，嘈住對方瞓覺，少少爭執梗有！」

雖然時有爭執，但五子曾共同走過風雨，兄弟情相當穩固！成員MJ說：「最辛酸嘅事係上年無緣無故捲入一場政治風波，做一場騷畀人話我哋親黨！嗰陣時我哋喺Band房一齊睇啲樂隊嘅Documentary（紀錄片），慢慢明白其實我哋只係做音樂。」