外表陽光的吳彥祖原來內心黑暗，拍攝英皇電影《魔警》時，因過於壓抑而令思想更加負面，他上東網《娛樂onShow》，大呻《魔警》是拍過的電影中最辛苦的一部，幸得老婆Lisa S.體諒！

吳彥祖拍《魔警》時差點患上情緒病，幸得老婆Lisa S.體諒。

張家輝（左起）、Daniel和思漩出席首映禮，齊齊行紅地氈。

吳彥祖（右）上東網《娛樂onShow》分享拍攝《魔警》的辛苦經歷。

飾演壓抑角色的Daniel（左）與張家輝大鬥演技。

日前吳彥祖（Daniel）接受東網《娛樂onShow》主持陳振安的訪問，大談拍攝《魔警》時的辛苦經歷，拍戲拍到差點患上情緒病的Daniel自爆一直是思想負面的人，深明世界不公：「我覺得每個男人都一定有黑暗面，如果全世界都係女人做總統就唔會打仗。因為女人生仔，明白生命有幾重要。我內心係偏好諗黑暗嘅嘢，有少少顛覆同憤怒，可能呢一種憤怒係我身為唐人，喺美國長大畀人歧視，明白世界唔公平。」

最辛苦角色

Daniel又坦言飾演戲中「王偉業」這角色是入行以來最辛苦，不但要進行地獄式訓練激減30磅，為了投入角色，更要長期處於抑壓狀態：「因為有心靈上同身體上嘅挑戰，我為咗呢套戲瘦咗三十幾磅，今次個角色嘅心靈世界好複雜，要代入係好辛苦。所以一拍完第二日我就即刻飛去南非，一個好大自然嘅地方，清走心中嘅壓抑。」為迎接前所未有的挑戰，Daniel更於事前做足功課：「我訪問咗好多心理醫生，同時又搵咗個曾經有精神分裂嘅人，同佢傾吓人生經歷，令我認清個角色。」

雖然Daniel投入黑暗角色，無可避免將負面情緒帶回家中，幸得太太Lisa S.處處體諒，令他非常感動，更在訪問中激讚老婆，想知詳情，就要密切留意東網《娛樂onShow》！